唔知有無人睇緊呢套呢？
個人覺得金秀賢著左衫瘦、除左衫啲缐條出曬黎真係好吸晴🤤仲好有反差萌😍
但我的超級大隻仔朋友回應：「唔認同線條靚。無膊又無背，比例唔合格。」我話好多女仔係鍾意呢種，唔洗太大隻，少少地就夠。😌
其實好多時我地做人同做 gym 一樣，以為要大大力、日操夜操、舉到好重、攰死自己，先會有成績、先會有人欣賞。原來唔係㗎，刻苦耐勞係直得欣賞嘅特質，但真相係有時少少地就好夠用，少少地反而多人鍾意啊。
另外相信有睇呢套劇人，都會認同最「殺食」嘅其實係佢角色嘅性格：溫柔、細心、有智慧同有承擔。
開阿卡西紀錄時，唔少客人都同我講：「我覺得自己唔夠能力啊」、「我覺得自己無天份啊」⋯等等好多認為「我唔夠」嘅說話。往往keeper都提醒返佢地，其實只係對自己無信心，我地總係睇外在嘅條件（樣貌、金錢、地位），但就忽略左自己其他無形的內在價值（例如係一個好嘅聆聽者、善良嘅人、或容易感知到其他人嘅情緒，有同理心咁）而往往就係呢啲睇落無形嘅內在價值，去幫助我地建立自己嘅形象，繼而建立自己嘅人生。