今日有客人提出呢條問題，本來係針對佢個人的，但發現得出的答案都可以應用到其他人身上，因此分享一下：
🧒🏻：Keeper，XXX想問點樣先可以唔再為金錢而煩惱？
🔮🧘🏻: 只要你想，你而家就可以唔再為金錢而煩惱。金錢只係一個工具，佢讓你生活更豐盛，但其實宇宙真正嘅法則係，只要你感覺豐盛，金錢就會隨之而來。好多人都忘記左呢一個法則，好辛苦咁不停去工作、不停去賺錢，但就忘記咗工作到頭來想換取嘅最終極目標係乜嘢。你都係一樣，唔好成日諗：「我冇錢、我好想有更加多嘅錢。」因為呢一種貧乏嘅能量就係令到你冇錢嘅原因。要將眼界放開，唔好將豐盛同金錢掛勾，豐盛包括好多層面嘅嘢，但係金錢就只係豐盛嘅其中一種，將你嘅眼光放遠，豐盛可以係同屋企人一齊嘅時光、可以係得到其他人物質上面嘅援助、豐盛可以係當你靈修嘅時候，突然發現一個好好嘅新點子、可以係當天氣好熱嘅時候，突然之間感受到微風吹過，都係豐盛嘅一種。唔好將所有嘢都視之為理所當然，當你識得享受生命中每一樣美好嘅事物、識得去感恩你所擁有嘅一切，為自己建立豐盛嘅感覺，呢種感覺就會為你帶嚟物質上面嘅豐盛，最終成為你而家想要嘅金錢。但你要擁有，必先要放下「我好想要」呢一個心態。我知道呢種心態對人類黎講係好難的，但正因為難，先更值得我地投身呢個地球去學習。
(此時背景音樂🎵響起：「要擁有必先懂失去怎接受～～」😆)